ලුමිනස් රතු පාට විතරක්මද
ආදරයෙ පාට කියන්නෙ
දිලිසෙන අළු පාටටත් පුළුවනි
ආදරයෙ පාට වෙන්න...
.
තදම තද රතු රෝස විතරමද
ආදරයට තෑගි කරන්නෙ
සුදුම සුදු දෑසමන් මලටත්
පුළුවනි ආදරේ තිළිණය වෙන්න...
.
නටුවක පිපී නැළවෙද්දි විතරමද
පින්න මලකට ආදරේ වෙන්නෙ
පුංචි පින්න කැකුළටත් පුළුවනි
නිමාවක් නැතිවම ආදරේ දෙන්න...
.
ඉතින්, මම අහන්නෙ නුඹෙන්...
.
බලෙන්ම තවරන වත්සුනු විතරමද
ආදරයෙ සුසුම් බැඳතියන්නෙ
ඈතින්ම එන සේපාලිකා සුවඳටත්
පුළුවනි නේද ආදරයෙ සුසුම් බැඳතියන්න?
.
නොදන්නා මං මාවත්
සියක් පසු කරමින්ම
ඈත සඳ දිහා බලමින්
ඒ සඳ දෑතින්ම ගෙන
තුරුලු කර සැනසෙන්න
සිහින දකිනා ළඳරුවෙකු මෙන්
ඉමක් නොපෙනෙන
අහස් ගැබ උස
වෙන්ව හිදිනා නුඹ දිහා
බලමින්ම මම සුසුම්ලමි
හය හතර නොදත්
ළදරුවෙකු සේම.....
නින්ද එන්නෙම නැති
දිගු රාත්රියකදි
තනිකමට හාදව
ඇස් කෙවෙනි අග
කඳුළු විතරක්ම
පරිස්සම් කරගෙන
ලවන් තෙත් කරන
කෝපි බඳුනට වඩා
උණුසුම් වු හදවත
අද රැයෙන් පසුවවත්
මගහැර යන්න
පුළුවන් ද නුඹට....
මිදී මව් තුරුල්ලෙන් නුඹ වෙත ආ දා
හිස සිඹ තුරුලු කර මා සැනසුවේ සදා
පැන්සල පෑන හුරු කර මගෙ අතට එදා
දුන් සවි අගෙයි රන් මුතු මිණි පරදා
කරනට යුතු නොකළ යුතු දේ මග පෙන්නා
පසු පස පියමනින සෙවණැලි අතර වෙලා
නිසිමග යවන්නට කල තරවටුව එදා
ආදරයෙන් සිහි කරමි මා දිනුව මෙදා
වැයෙන බෙර පදට පා පොඩි තබාලා
අත් පා ලෙලවන්න නළු රූ කියාලා
වේදිකාව මත මා අද ඇත දිනාලා
නුඹ සෙනෙහසින් ලොවක් අැතේ තැනීලා
අ යනු ආ යනු කියා නිසි ලෙස උගන්වා
වසරින් වසර ඉදිරියෙන්ම නුඹ මා තැබූදා
හර බැර අතර සැගවෙන මා නෙත් බලාලා
අදත් හිස අතගාන නුඹ මගෙ දෙටු අම්මා
නොවැදුවත් කුසින් දස මස දරාලා
නුඹ ඇතෙයි දරුවන් දහසක් හදාලා
නුඹෙන් නොදුන්නත් ඇග ලේ කිරි කරලා
පෙව් සිප් කිරි බලෙන් බුදුන් දකින් ගුරු අම්මා
~ගිම්මි~
06/10/2017
ලුමිනස් රතු පාට
දිලිසෙන්න තරු කුඩු ඉහපු
සියදහස් හදවත්
.
තදම තද රතුපාට
කොළම කොළ නටු දිගැටි
පොකුරු මල් රෝස
.
ඉල්ලා ගත් දිනක් අපි
අනුන්ගෙන් අයිතිය කියන්
රතුම රතු හදවත් මතට
වෙන්දේසි දමනා වෙළෙන්දන්
.
අයිතිය කියන්නට හැකි
පණ ගැහෙන රතු හදවතක්
ඇති අය හෙමින්
සමරන සුපැතුමකින්වත්
.
තවම හමු නොවුනවුන්
අයිති රතු හදවතක්
දෙස් තියන දවසම
බොරු වැඩක් පිස්සුවක්
.
කොණකටවී මදහසක්
මේ දෙසට නංවන්
රතුම රතු මල් පෙත්තක
බලාහිදි නිහඬව
.
.
වැලන්ටයින්.
පෙම්වත් පිරිමි උරතලය මත
හිස ඇලව තියාගෙන
සිහින් දිගු ඇඟිලි තුඩු
ඇවිද යන සද ලතාවට
මුදාහැරි වරලස මතින්....
සීතලම සීතලට ගැහෙන
මල් පෙති ලවන් යුග
උණුසුම්වු අඬසඳ මතට
නිමේෂයකදි වඩින
ගමන මේ හෙමි හෙමින්....
තාලයට හීනියට හෙමිහිට
ඇසෙන නෑසෙන තරම්
සවන් පත ළඟ ළඟම
ඇහිදිනා ඇලපිලි අකුරු
මුමුණනා බරවූ ආදර වදන්...
හරියටම මොහොතකට පෙර
හීනියට ඇස් බරවු
අඬන නාඬන හඬින් කිවු
ආසාද්යම තත්වයෙන් වුන්
ඇගේ හොර හිසේ ඇම්ම
නිට්ටාවටම සුවයි දැන්....
#ගිම්මි#
මන් නුඹට ආදරය කරමි
නුඹෙන් ලද සිනහවට
දඟකාර කතාවට
හිතුවක්කාර ගති වලට
ඇදී ගිය මගේ සිත
ඒවාට පමණක්ම
ආදරය කරමි.....
නුඹ ලස්සනයි ඇත්තටම
ඒ ලස්සන නැති වුනත්
ගත සවිය නැති වුනත්
මන් ආදරෙයි හැමදාම
නුඹ හිතනවාටත් වඩා වැඩියෙන්....
මොණරු පසුම්බිය පිරෙන්නට
මන් දන්නවා ඒත්
පසුම්බිය සිල්ලර විතරක්ම
පාලු මකන දාටත් මන්
ආදරෙයි අද තරමටම....
මට දේවි සැප සම්පත්
යහමින් නුඹට ඇති දාට
ඒත් ආවොතින් අඳුරු වළාවක්
සහය වන්නම් නුඹට
එළියක් සොයන්නට
අදටත් වඩා ලෙන්ගතුව
ළග හිදන් ආදරෙන්....
හ්ම්ම්...සැකයි ද නුඹට
එ් මගේ ආදරය
නුඹට පමණක්ම පේවුනු
අහිංසක ආදරය
අම්මා තරමටම ස්නේහය
නුඹට සදන්නට වෙර දරන
මේ මගේ හිත
අවිස්වාසයිද....
එන යන අය අතර
නවතින්නට ඉඩ සෙවු
මේ මගේ ආදරය
නුඹ මහමග වැටී සිටියද
පොල්අතු අතර අහස සෙව්වද
නුඹේ ළග නුඹේ තනියට
හැමදාම හිදිනු ඇත
මේ මගේ ආදරය....
නෑ මන් ආදරේ නෑ
ඔව් ඇත්තමයි...
මන් ආදරේ කලෙත් නෑ
ආදරේ කරන්නෙත් නෑ...
බැඳීමක්?????
ඕනම ද????
හිතින් විතරක්ම
දරාගෙන ඉන්න බැඳීමක්....
ඉතින්....
නවත්තගන්න බැරි
නවත්තගන්න ඕනම
එකම එක ඇස් දෙකක්....
නෑ...කොහොමටත් නෑ...
තටු ගහන්න ඕනම ද..
යන්න....එහෙනන්...
ඈතටම ආයෙත් නොඑන්නම...
හ්ම්ම්...තාමත්...
පියාඹන්නම හිතෙනවද....
මන්...එකම තැන...
හැරිලා බලන්න ආයෙත්
මතක තියෙයිද....
කාලය.....
වෙනස් කරයිද...
දන්නෑ....ඒත් බලන්න...
ඒ ඇස්....
මොනම විදියට හරි දකිවි....
මම
උඹේ
බත් කොක්ක
නෝට් කොක්ක
විතරක් වෙද්දි
උඹ
මගේ
සිරා කොක්ක
වුනේ කොහොමද
බන්..
මන් තාම
හන්තාන ළඟ
උඹ එනකන්....
