"විඳිනවද? විදවනවද?"

විඳින්න තියන ජිවිතේ විදවන්නේ නැතුව ගෙවාගන්න අපි හැමෝම හුඟක් උත්සහ කරනවා.හැබැයි ඔය විදවනවා කියන තැන ඇතුළේ ජිවිතේ විදින්න පුළුවන් පුංචි පුංචි ලස්සන ලස්සන දේවල් කොයි තරම් තියනවද?හැබැයි අපේ තියන කරුමෙට ඒවා කිසි දෙයක් පේන්නේ නෑ.ඇත්තටම අපි ඒවා පෙනුනත් ගණන් ගන්න කැමති නැතිකම තමයි තියෙන්නේ.එහෙමයි කියල හමදේම කරුමෙට බාරදීලා අපි බුම්මගෙන පැත්තකට වෙලා ඉන්න එකේ තේරුමක් තියනවද?

ජිවිතේ එකම තැන විදවන්න ගියොත් තමන්ට තමන්වත් එපා වෙන්වා දවසක.ඔයා හැමදාම මුණ එල්ලගෙන අනිත් අයට ඔයාගේ දුක කියා කියා ඉන්න ගියොත් ඔයාව දකින අනිත් අයටත් ඒගොලන්ගේ ජිවිත තෝන්තු වෙනවා.ඔයා හැම දේටම මුණ එල්ලගෙන මේ ජිවිතේ ප්‍රශ්න විතරයි කියල අඬ අඬ ඉන්න ගියොත් වටේ ඉන්න අය දවසක් දෙකක් ඔයාව සනසවයි,හැබැයි ඒගොලන් හැමදාම ඔය ළඟ ඉන්නේ නන් නෑ.මොකද දන්නවද හැමෝටම ප්‍රශ්න තියන කාලෙක ඔය ඔයාගේ ප්‍රශ්නත් කියා කියා අඬන්න ගියොත් ඔයාව නිකන්ම ඒ අයට එපා වෙනවා.එහෙම හැමදාම ඔයා අඬනවා බලන්න කැමති කෙනෙක් ඉන්නවනං ඒ ඔයාට ඇත්තටම හිතවත් කෙනෙක් නං නෙමෙයි එක මතක තියාගන්න.

හිතුවක්කරිටත් කොච්චර මොන ප්‍රශ්නයක් තිබුනත් හුඟක් වෙලාවට ඒවා කාටවත් පේන්නේ නෑ.අනේ ඉතින් දකින මිනිස්සු හිතන්නේ එයාට මොන ප්‍රශ්නද කියල.ඔයාගේ ඔලුවේ ප්‍රශ්න කෝටියක් තිබුනත් ඒවා අනිත් අය එක්ක කියා කියා අඬනවට වඩා ඒ වෙලාවට ඉන්න කෙනෙක් එක්ක කතා කරලා හිනා වෙලා ඉන්න.කතා කරන්නම බැරි නං අඩුම තරමේ කියන දේකට හිනාවත් වෙන්න.අන්න ඒ වෙලාවට ඔයාගේ ළඟට අැවිත් කවුරුහරි ඇහුවොත් ඔයා අද අවුලකින් නේද ඉන්නේ හිනා වෙලා හිටියට කියල,අන්න එයා එක්ක ඔයාගේ ප්‍රශ්නේ බෙදාගන්න, මොකද එයා ඇත්තටම ඔයාව තේරුම් ගන්න පුළුවන් කෙනෙක්.ඔයා ගේ හිනාවට යටින් තියන කඳුලු එයාට පේනවා.හැබැයි එහෙමයි කියලා හැමෝම එක්ක ඕව කියන්නත් යන්න එපා,මොකද ඔයා වටේ ඉන්න අයගේ හැටි දන්නේ ඔයානේ.

ඔයාට හිනා වෙන්න පුලුවන්නන් ප්‍රශ්න තියෙද්දීත් ඔයාට ටිකෙන් ටික ප්‍රශ්න අමතක වෙනවා වගේම කාලය ඔයාට නොදැනෙන්න ඒවාට උත්තරත් හොයල දෙනවා.හැමදාම ප්‍රශ්න ප්‍රශ්න අරක නෑ, මේක නෑ,අරයා ගිය ,එයා කතා කරන්නේ නෑ ඕව මේවා කියා කියා විදවන්නේ නැතුව තියන දේවල් එක්ක ඉන්න අය එක්ක ජිවිතේ විදින්න.

හැමදාම හැමෝම කියනවා, හැබැයි ඉක්මනට අමතක කරනවා අපි ජිවිතේ විදින්න ඕනේ කියන එක.අලුත් අවුරුද්දක් පටන් ගත්තා...ඉතින් අලුත් විදියට හිතන්න.ජිවිතේ විඳින්න... තමන්ට පුංචි පුංචි අාබාධ තියන අයත් ලස්සනට ජිවිතේ විඳිනවා.හැමදේම තිබිලත් ඇයි අපි ජිවිතේ විදවන්නේ.වෙනස් වෙන්න ඕනේ තමන් තමන්ට කැමති විදියට මිසක් අනුන්ට ඕන විදියට නෙමෙයි.මේක තමන්ගේ ජිවිතේ මිසක් අනිත් අයගේ නෙමෙයි.